29/03/2024nuvoloso

30/03/2024pioggia debole

31/03/2024pioggia debole e schiarite

29 marzo 2024

Vittorio Veneto

G8 o Gi-otto?

E sul summit spunta la satira poetica

| |

| |

Il Punto G

I Capi de Stato spes i se vól trovàr,
ma ultimamente i ténde a esageràr,
cussí al punto G i ghe dà pi inportanza
aumentàndo de numero e de sostanza.
 
Ma ‘l nostro ministro déa Agricoltura,
che ‘l vól far senpre la so bèa figura,
invidióso dé.i Grandi de túte ‘e nazión
al se ha fat un G, su misura, a Cisón.
 
Sto fàto, sicuro, gnessún mai savarà
i tànti schèi che a nàltri ‘l ne costarà,
ma se ànca no i rivarà a na conclusión
i dis che se giovarà ‘a Veneta nazión.
 
No voríe che sta manía, l’è na me paura,
ogni ministro al se fésse un G su misura
e za vede Maroni méterse a organizàr
un G8 par i clandestini podér internàr;
La Russa, cói generài, senza far dàno
al ghen vorà far un cól sa.úto romàno;
la Gelmini ‘a podarà senpre insegnàr,
al mondo, le scó.e che i podarà seràr
e se i ghe ‘assa man libera aea Carfagna
dé.i caendàri no ghe sarà chi che se lagna.
 
L’inmagine che i trasmetarà sicuramente
portarà a Cisón, dal mondo, tanta zènte
parché a Castelbrando túti i vorà andàr
dove che, ànca Gi-otto, l’è stat a riposàr.
 
E Co.ombàn par far afàri ‘l farà afrescàr
qualche stanza che tànti i vorà prenotàr,
i cinesi e i mericàni, nel vardàr quèi disegni,
i credarà de èsser néa Capéa dé.i Scrovegni.

  Carlo Piasentin
 

 


| modificato il:

Leggi altre notizie di Vittorio Veneto
vedi tutti i blog

Grazie per averci inviato la tua notizia

×