L’ex ministro Micaela Vittoria Brambilla, di Berlusconiana memoria, non vuole più farci mangiare conigli perché, lei, li vedrebbe bene in casa come animali da compagnia;
la notizia è stata corredata anche dalle dimensioni minime delle gabbie.
E perché no le galline?

LA PÍTA

Dopo che ‘a sióra Branbía se ha sbi.ancià
tut al mondo animàl al se ha movimentà
e se i cuníci no i pol pi èsser da magnàr
le píte no se podarà pi gnànca desideràr.

In considerazión che ‘ore le fa ànca óvi
no le podarà pi passàr par man déi cóghi
ma èsser tegnéste care sol par conpagnía
in te na càpia in cusína o sóra na scanzía.

La dimensión déa càpia zentímetri la varà
de zentotrentadò par zènto de profondità
e novantasète de altéza che pòsse bastàr
parché dopo fat l’óvo la pòsse ànca schitàr.

Un bagnét có sotofóndo in sasét bén resteà
có acqua néta e un secèr dove la becoarà
un mangime ordinà par un san nutriménto
parché la pòsse pónzer senza alargaménto.

La vede mal par can gat e oséi nea capiéta,
ànca se i schit i spúza e la píta no l’é néta,
ma l’óvo fresch al pol far còmodo, pensé,
a l’é senpre mèjo del bucàr un bèl cocodè.